ఊరుపేరు లేనివాడు లేనట్టే ఉన్నవాడు ఆనవాళ్ళు లేనివాడు అంతా తానైనవాడు#swami_sundara_chaitanyananda

 

ఊరుపేరు లేనివాడు లేనట్టే ఉన్నవాడు ఆనవాళ్ళు లేనివాడు అంతా తానైనవాడు#swami_sundara_chaitanyananda

ఊరు పేరు లేనివాడు లేనట్టే ఉన్నవాడు.

ఆనవాలు లేనివాడు అంతా తానైనవాడు ॥ ఊరు ॥  

1. అందరి మనసులను కదిలించే వాడు

కదిలే మనసులకు కంటబడని వాడు.

ఎవరికి కానివాడు అందరివాడు.

అంతట అందముగ అలరారువాడు ॥ ఊరు ॥  

2. అందరిలోన కలసిన వాడు

అన్నిటి లోన కరిగిన వాడు.

మరుగైనా తాను మరపు రానివాడు

ప్రతి మలుపును వలపుగా మలిచేవాడు ॥ ఊరు ॥    

3. మనిషి తానై, మనసూ తానై

మనిషికి మనసుకు అందని వాడు

మొగ్గలో పువ్వులా పువ్వులో పిందెలా

పిందెలో పండులా పండులో తీపిలా ॥ ఊరు ॥  

4. పున్నమి చంద్రికలా చల్లనైన వాడు

నిండు వసంతంలా పండిన వాడు

బంధములన్నీ తొలగించు వాడు.

వాడే మన వాడు - శ్రీ వాసుదేవుడు ॥ ఊరు ॥